Oʻzbekiston — Amerika aloqalari ijobiy oʻsish surʼatlarda

2021-yilning 1-iyul kuni Vashington shahriga Oʻzbekiston delegatsiyasi rahbari sifatida kelgan Tashqi ishlar vaziri Abdulaziz Kamilov Amerika Qoʻshma Shtatlari Mudofaa vaziri Lloyd Ostin bilan uchrashuv oʻtkazdi. Bu haqda TIV xabar berdi.
Uchrashuv chogʻida Pentagon rahbari vazir Abdulaziz Komilovni Oʻzbekiston Mustaqilligining 30 yilligi bilan tabrikladi.
Muzokaralarda mudofaa yoʻnalishidagi, mintaqaviy xavfsizlikni taʼminlash, umumiy tahdid va xavf-xatarlarga qarshi kurashish kabi sohalardagi ikki tomonlama hamkorlikning dolzarb jihatlari muhokama qilindi. 
Turli darajalar va yoʻnalishlardagi muntazam muloqot sababli soʻnggi yillarda Oʻzbekiston — Amerika aloqalari ijobiy oʻsish surʼatlarini kasb etayotganligi, amaliy mazmun bilan boyib borayotgani qayd etildi.
AQSH Mudofaa vaziri Lloyd Ostin Afgʻonistonda vaziyatni barqarorlashtirish borasidagi xalqaro saʼy-harakatlarning Oʻzbekiston tomonidan koʻp yillardan buyon qoʻllab-quvvatlanayotganligini olqishladi hamda ushbu mamlakat iqtisodiyotini qayta tiklash va uning Markaziy Osiyo mintaqasiga integratsiyasiga koʻmaklashishga tayyorligini bildirdi.