“Damas”dagi qoradori fosh boʻldi

Andijonda bojxonachilar huquqni muhofaza qiluvchi boshqa idoralar vakillari bilan hamkorlikda oʻtkazilgan navbatdagi tezkor tadbir davomida narkotik moddalarning yashirin aylanmasini fosh qilishdi.
Tadbirda avvaldan kuzatuvga olingan va Andijon xalqaro aeroportiga yaqin hududda kelib toʻxtagan “Damas” avtotransport vositasinining haydovchisi va uning yonidagi 2 nafar yoʻlovchilar belgilangan tartibda koʻzdan kechirildi.
Natijada, mashinaning old oʻrindigʻi ustida 1 dona oʻramda 49.3 gr. ogʻirlikdagi gashish borligi aniqlandi.
Bundan tashqari, mashinada narkotik vositalarni mayda-mayda turkumlarda sotish uchun moʻljallangan 1 dona kichik elektron tarozi hamda ularni istyemol qilishda foydalanilgan angishvona ham borligi maʼlum boʻldi.