Tibbiyot jihozlari manzilga yetib bormadi

Moddiy manfaat yoʻlida oʻzgalar salomatligini oʻylamaydigan va hattoki amaldagi qonun talablariga boʻysunmaydigan shaxslar uchrab turibdi.
 Jizzax viloyati bojxona boshqarmasi Kontrabandaga qarshi kurashish va bojxona auditi boʻlimi xodimlari tomonidan viloyatning Paxtakor tumanida oʻtkazilgan tezkor tadbir davomida ana shunday shaxslar qilmishi fosh etildi.
Tadbir davomida fuqaro O.F boshqaruvidagi avtotransport vositasi toʻxtatilib, xolislar ishtirokida koʻzdan kechirildi.
Natijada, avtomashinada hech qanday hujjatlari boʻlmagan, umumiy qiymati 300 million soʻmlik sifati kafolatlanmagan tibbiyot jihozlari borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.