Muhtoj oilaga deputat uy qurib berdi

“Milliy tiklanish” demokratik partiyasining Qoʻngʻirot tuman Kengashidagi deputati Ahmadjon Seytmuratovga ijtimoiy himoyaga muhtoj Usen Yeshimbetov murojaat qilib, avariya holatiga kelib qolgan uyini taʼmirlashda yordam soʻragan.
Deputat ertasi kuni ushbu xonadonda boʻlib, bu oilaning uyni taʼmirlash emas, butunlay qaytadan qurish lozim degan xulosaga keladi.
Oradan qariyb uch oy oʻtib, “Milliy tiklanish” deputati oʻz hisobidan fuqaroning uyini qayta qurib, Usen Yeshimbetovga yangi xonadon kalitini topshirdi.