Xodimlar 6 oyda 267 marotaba xizmat safarlarida boʻlishgan

Oʻzbekiston Xalq taʼlimi vazirligi xodimlarining respublikada boʻlgan xizmat safarlari va unga sarflangan mablagʻ toʻgʻrisida maʼlumot berildi.
Maʼlum qilinishicha, joriy yilning dastlabki yarim yilligida joylarda taʼlim sohasida amalga oshirilayotgan islohotlar, taʼlimni rivojlantirish istiqbollarini oʻrganish maqsadida hamda Respublika ishchi guruhlari tarkibida Xalq taʼlimi vazirligi rahbariyati hamda markaziy apparatining mutaxassis xodimlari 267-marta Respublikaning turli hududlariga xizmat safarlarini amalga oshirgan.
Hisob-kitoblarga koʻra, mazkur safarlar uchun 395,5 mln. soʻm miqdorida xarajat qilingan. 
 Aytish joizki, xizmat safarlarii doirasida maktablarda yaratilgan sharoitlar, taʼlim sifati, maktablarda taʼlim darajasini oshirish, taʼlim muassasalarining yer maydonlari va daxlsizligi, ulardan unumli foydalanish, maktab binolarini soz holatda saqlash kabi masalalarga eʼtibor qaratilgan.