Fargʻonada 4 nafar egizak dunyoga keldi

Fargʻona shahrining Xoʻjamagʻiz MFYda yashovchi Odilov Gʻanining xonadonida 3 oʻgʻil va 1 qiz tugʻilgan. Ularga Toʻlqinboy, Abdukarim, Abduhakim, Zilola ismlari berildi.
Shahar hokimi xonadonga tashrif buyurib, ularni qutladi va oilaga kerakli uy jihozlari hamda maishiy texnikalar topshirdi. Shahar tibbiyot birlashmasi tomonidan chaqaloqlarning parvarishi uchun malakali tibbiyot xodimlari biriktirildi.
Hokim mazkur xonadonni taʼmirlash boʻyicha bir qator masʼullarga topshiriq va koʻrsatmalar ham bergan. 
Alloh taolo muborak qilsin. Solih soliha farzandlardan qilsin.