Ona, sizga oʻxshayman!

Mudom yonimda, ammo
Koʻzlarin sogʻinaman.
Bir muddat, uzoqlashsam,
Soʻzlarin sogʻinaman.
Qalbimda, oʻz oʻrni bor,
Alishmayman hech kimga
Ming shukur, u - onajon,
Men - farzand boʻlgan kunga!
Porlab turgan yuzlari
Qoʻshar, umrimga umr.
Bir rahmat ulasholsam,
Tanda maroqli huzur.
Hali koʻzin quvonchi
Boʻlib davron suraman!
Haj safariga yoʻllab,
Yonlarida yuraman!
Yuz yil yashaydi onam,
Men ham, undan kam emas.
Yuz yoshda ham,u dadil
Ajinlar yuzin toʻsmas.
Menga baxsh etgan umrin,
Yoʻliga gul toʻshayman!
Ishoning, niyat xolis,
Ona, sizga oʻxshayman!
Navoiy viloyati Karmana tumani
8-umumtalim maktabi
8 –“A”sinf
oʻquvchisi Bonu IBRAGIMOVA