23 yoshida qora kursida

Xatirchi tumani Bogʻchakalon MFYda yashovchi P. D. 23 yoshida qora kursida oʻtirdi. U. Navoiy shahar A.Temur koʻchasi 24-uy 15-xonada yashovchi  O. N.ning yashash uyiga gʻayriqonuniy ravishda kiradi. Uyning akfadan yasalgan derazasini buzib, maqsadini amalga oshiradi. Xonadandan jami 14 mln. soʻm pullarni olib hodisa joyidan yashirinadi.
  Bundan tashqari, P.D. oʻzining jinoiy qilmishini qasddan takroran davom ettirib, 2021-yil 04-iyun kuniga oʻtar kechasi  fuqaro S. N.ga tegishli Navoiy shahar Gʻalaba shoh koʻchasi 127-uy 21-xonadonga kirish eshigini ochiq turganligidan foydalanadi. Uyga kirib, xonada boʻlgan 6 mln. soʻmlik “Iphone-11pro” rusumli telefon apparatini oʻgʻirlab ketganligi aniqlandi.
   Holat yuzasidan D.P.ga nisbatan Oʻzbekiston Respublikasi JKning  169-moddasi     
3-qismi “a” bandi bilan jinoyat ishi qoʻzgʻatilgan.

Sodiq TESHAYEV,
Navoiy shahar IIO FMB 4-sonli IIB JQG tezkor vakili, katta lyetenant