Tovlamachilik

Fuqaro Omonova Qunduz Abduvoxitovna 2019-yilning avgust oyida fuqaro Yaxshilikov Abdulaziz Xudoyberdi oʻgʻli bilan tanishib, u bilan yaqindan aloqaga kirishib, 2020-yilning iyun oyidan boshlab A.Yaxshilikov bilan doimiy ravishda jinsiy aloqada boʻlib kelib, keyinchalik A.Yaxshilikov unga oila qurayotganligini, oʻrtalaridagi munosabatlarini tugatishini ma’lum qilgan vaqtida, A.Yaxshilikov uchun sir saqlanishi lozim boʻlgan, u bilan oʻrtalaridagi munosabatlarini xamda birgalikda tushgan fotosuratlarini oila a’zolariga va ijtimoiy tarmoqlarga tarqatish bilan qoʻrqitib undan mulkiy manfaatlar berishini soʻrab, A.Yaxshilikovdan 2021-yilning mart oyi boshidan turli miqdorda pul mablagʻlarini olib kelib, 2021-yilning 19-mart kuni ma’lumotlarni oshkor qilmasligi evaziga 50 mln soʻm miqdoridagi pullarni berishini talab qilib, talab qilingan pullardan 30  mln soʻmini Navoiy shaxar Kimyogar MFY xududida tovlamachilik yoʻli bilan olayotgan vaqtida Navoiy viloyati IIB JQB xodimlari tomonidan oʻtkazilgan tezkor tadbirda ashyoviy dalillar bilan qoʻlga olingan.  
Mazkur holatda Oʻzbekiston Respublikasi JKning tegishli moddalari bilan jinoyat ishi qoʻzgʻatilgan.
 
Navoiy shahar IIB JQG tezkor vakili katta leytenant Zokirov Siroj