Zarafshonda yertoʻlalardan samarali foydalanilmoqda

Zarafshon shahrida " MODERN TRADING SERVICE " MCHJ tomonidan birinchilardan boʻlib 3 ta ob’yektdagi yertoʻlada qoʻziqorin yetishtirish yoʻlga qoʻyildi. 
Natijada   hududdagi “Ayollar daftari”ga kiritilgan 8 nafar ayollar ish bilan ta’minlandi.  Ularga  qoʻziqorin urugʻi yetkazilib, mehnat qilishlari uchun barcha zarur shart-sharoitlar yaratildi. 
Bugungi kunda shahardagi koʻp qavatli uy-joylarning yertoʻlalaridan samarali foydalanish boʻyicha ham aholi va tadbirkorlar oʻrtasida keng  targʻibot va tushuntirish ishlari amalga oshirilmoqda. Yaqin orada bu kabi istiqbolli loyihalar yanada koʻpayadi.
Zarafshon shahar hokimligi axborot xizmati.