YPX inspektoriga qo’l ko’targan haydovchiga chora ko’rilmoqda

Bu haqda Samarqand viloyati IIB Axborot xizmati xabar berdi.
Qayd etilishicha,2021-yil 27-may kuni soat 01:30 larda Samarqand shahrining Turkiston koʻchasida xizmat olib borayotgan YPX inspektori “Matiz” rusumli avtomashinani toʻxtatib, haydovchi D.S. dan tegishli hujjatlarini taqdim qilishni soʻraganida, haydovchi hujjatlarni taqdim qilmasligini aytib, unga nisbatan qoʻpol munosabatda boʻlgan.
Haydovchining ogʻzidan spirtli ichimlikni hidi kelib turganligi sababli uni narkolog koʻrigidan oʻtkazish taklif qilinganida haydovchi avtomashinadan tushib, toʻsatdan YPX inspektorining yuziga urib tan jarohati yetkazgan.
Hodisa sodir boʻlgan joy IIV OʻXB Samarqand viloyati boʻyicha boʻlimi xodimlari ishtirokida, Samarqand shahar prokuraturasi tomonidan koʻzdan kechirilib, hujjatlashtirilgan.
Holat yuzasidan D.S.ga nisbatan Oʻzbekiston Respublikasi JKning 140-moddasi 3-qismi “a” bandi va 219-moddasi 2-qismi bilan gumon qilinuvchi tariqasida ishtirok etishga jalb qilinib, protsessual tartibda ushlangan.