Qarz mojorosi

Bu haqda Surxondaryo viloyati IIB Axborot xizmati xabar berdi.
Shoʻrchi tumanida 2021-yilning 26-iyun kuni soat 20.30 larda, tumanning “Oynakoʻl” mahallasida yashovchi, J.Arslon qoʻshnisi boʻlib yashovchi qarindoshi Q.Raʼnoning yashash uyiga kelib, undan savdo doʻkonidan olgan oziq-ovqat mahsulotlari uchun qarzini soʻrab, oʻzaro tortishib, uni haqorat qilganida, Q.Raʼnoning oʻgʻli J.Bozor janjalga aralashib, uning onasini haqorat qilgani sababli, yashash uyidan oshxona pichogʻini olib, J.Arslonning son qismiga bir marotaba sanchib, «hayot uchun xavfli boʻlgan ogʻir» tan jarohati yetkazgan. Natijada J.Arslonga tibbiy yordam koʻrsatish uchun tuman tibbiyot birlashmasiga olib borilayotganida, yoʻlda vafot etgan. J.Bozorga nisbatan Oʻzbekiston Respublikasi Jinoyat kodeksining 104-moddasi 3-qismi «d» bandi bilan jinoyat ishi qoʻzgʻatilgan.