Rossiyalik taniqli bloger javobgarlikka tortildi

Avvalroq, Amir Temur xiyobonida fuqarolar toʻplangani haqida xabar berilgan edi.
Mazkur holat yuzasidan Toshkent shahar IIBB tomonidan oʻtkazilgan dastlabki tekshiruv natijasiga koʻra, 26 nafar fuqaro (shu jumladan S.Mamedov va uning kuzatuvchilari) karantin qoidalariga zid ravishda jamoat joyida tibbiy niqobsiz boʻlganliklari uchun Oʻzbekiston Respublikasi MJtKning 54-moddasiga asosan maʼmuriy javobgarlikka tortildi, 83 nafar fuqaroga nisbatan hujjatlar rasmiylashtirish jarayonida, 9 nafar voyaga yetmagan shaxslarning ota-onasi bilan profilaktik suhbat oʻtkazilib, ogohlantirildi.
Hozirda surishtiruv ishlari davom ettirilmoqda.