Noqonuniy yo’l bilan bolalarga diniy ta’lim berilayotgani aniqlandi

2021-yil 26-iyul kuni, Zangiota tuman IIB TEQKB hamda IIB XPB xodimlari tomonidan tezkor oʻtkazilgan tadbir davomida 2021-yil iyun oyi boshidan hozirgi kunga qadar 24 nafar voyaga yetmagan va 1 nafar voyaga yetgan bolalarga “Arab alifbosi”, «Tajvid» “Qurʼon Karim”dan sura va oyatlaridan diniy saboq berib kelinayotgan «Xujra» aniqlandi. Bu haqda tuman hokimligi xabar berdi.

Aniqlanishicha, bu ish 1996-yil 9-noyabrda Toshkent shahrida tugʻilgan, Oʻzbekiston Respublikasi fuqarosi, millati oʻzbek, maʼlumoti oʻrta-maxsus, muqaddam sudlanmagan, boʻydoq, Toshkent shahar, Uchtepa tumani, Chamanzor mahallasi, Dongdor koʻchasi 2-uyda roʻyxatda turib yashovchi Sayidazimov Abduqayum Ortiqxoʻja oʻgʻli tomonidan amalga oshirib kelingan.

 Xabarda aytilishicha, xolislar ishtirokida ushbu xonadondan 18 dona “Qurʼon Karim” va 6 dona «Muallimi soniy» kitoblaridan daliliy ashyo tariqasida olingan. Hozirda holat yuzasidan hujjatlar rasmiylashtirilib olingan.