“Gashish”ni pullamoqchi boʻlgan shaxs qoʻlga olindi

Giyohvandlik vositalarining noqonuniy aylanmasiga qarshi bojxona idoralari tomonidan tizimli tarzda kurash olib borilmoqda.
Bojxonachilar “gashish”ni pullamoqchi boʻlgan shaxsni qoʻlga olishdi.
Jumladan, Fargʻona viloyati bojxona boshqarmasi Kontrabandaga qarshi kurashish va bojxona auditi boʻlimi xodimlari DXX vakillari bilan hamkorlikda giyohvandlik vositalarining noqonuniy aylanmasiga qarshi, Qoʻqon shahri hududida tezkor-qidiruv tadbirini oʻtkazishdi.
 
Tadbir davomida fuqaro  A.O. shartli xaridorga toʻq-jigarrang rangli, oʻtkir hidli, ogʻirligi 100 grammni tashkil etuvchi “gashish” giyohvandlik vositasini sotayotgan vaqtida ashyoviy dalillar bilan qoʻlga olindi.
 
Hozirda mazkur holat yuzasidan tergovga qadar tekshiruv harakatlari olib borilmoqda.